黎姿早前被監製戚其義嘲白癡後，二人昨日首度在公開場合碰頭，出席新劇《火舞黃沙》首播會，黎姿主動跟戚其義咬耳仔，明顯已冰釋前嫌。黎姿表示沒有因被嘲白癡而感嬲怒，她說：「多謝佢都嚟唔切。」
無綫重頭劇《火舞黃沙》將於五月一日播映，劇中演員黎姿、蔡少芬、陳豪和林保怡等昨日在灣仔會議展覽中心國際影視展出席首播儀式，大會播放剪輯七分鐘的精采片段。
主動咬耳仔
早前黎姿在湖南電視台宣傳劇集《金枝慾孽》時，監製戚其義公然嘲諷黎姿「白癡」，即時令她面露不悅，昨日二人在首播會再度碰面，備受無綫重用的黎姿，在台上主動跟戚其義咬耳仔，笑容滿臉，似乎未有為被稱白癡一事嬲怒，黎姿說：「冇嬲吖，玩之嘛，唔會擺喺心裏面，多謝佢都嚟唔切，佢畀咁多機會我，我好感激佢，冇佢拍《金枝慾孽》都唔會有今日嘅我啦！」
黎姿和林保怡繼《金枝慾孽》後，再在《火》劇中共墮愛河，由初時的死對頭漸漸發展成情侶。蔡少芬則飾演大當家，扮演邵美琪和佘詩曼的婆婆，經常掌摑及罵人，角色奸險毒辣，她說：「拍呢套劇出心出力又出汗，係突破演出，我之前睇咗幾集睇到喊，大家會睇到另一個我，仲會有個老餅造型，總之自己睇番都覺得係一個賤人，好衰格。」
吊威吔激咀
昨日播放的精采片段中看到黃土高原大地之餘，還有一場講述陳豪與佘詩曼的浪漫親嘴戲，陳豪說：「嗰場戲要吊威吔，吊上一百二十呎高空，然後直落到水井，個井口又細，水又深，我哋用腳撐住井邊，等啲水唔好浸過頭，好彩一take過搞掂。」
採訪：卓寶花 攝影：陳慧安
