天氣回暖啦！恤衫西褲快要重見天日，冇得左冚右冚，冬天唔熨衫嘅人當堂騰雞起來。唔使愁喎，熨衫至緊要有耐性又細心就得，仲要識得正確嘅熨衫「工序」，先唔會熨完呢邊皺嗰邊。今日就教大家用至簡單嘅工具──即係熨斗加熨衫板、搭多條棉手巾仔，就可以熨衫都熨得得心應手！
記者：梁彩燕
攝影：陳陶鈞、林栢鈞
Model：Kinki、PC（Salvador）
鳴謝：家潔公司（28382554）
順應褶位熨咪硬來
雖然話就話熨衫要「熟能生巧」，還是要從基本及正確的熨衣方法入手才可事半功倍。每件衣服可承受的溫度有異，要避免破壞衣服纖維及「起鏡」，應先看看衣底的衣服處理標籤，把熨斗調校至相同的指示位或熱度。
家務助理李小姐說熨斗的熱度圖示只可做參考，「始終要靠經驗，通常我第一時間是測試熨斗的溫度，最穩陣是先熨棉質T恤。熨不同質料衣服亦應先測試溫度，例如衣領底部。」李小姐續說：「遇到多褶的衣服至緊要『攞番順佢』，千祈咪夾硬來，有時褶痕又很頑固，噴水會較有效。」絲質、絨質、人造纖維、西裝、大幅熨畫等易燶及易壞的衣服，要用低溫及在表面鋪上棉質毛巾。唉吔，好多學問呢！
對付恤衫：
恤衫是最常熨的衣服之一。返學返寫字樓要經常穿恤衫的可要留意以下步驟囉！
STEP
1.恤衫領口兩側常出現小氣泡，應分別從兩邊向中央移動可減少「氣泡」。
然後到袖口，順應褶位，不用熨鈕扣，因為很易會過熱變熔。
2.然後順紋熨袖身前幅、袖身後幅、肩位。然後是右前幅、後幅、左前幅。熨完每幅衣服向前推移，不靠近自己便不會弄皺衣服。
3.最後夾位和衫腳略壓即可。
對付西褲：
STEP
對付西裝：
西裝褸肩位內通常墊有厚墊，把褸掛起後，用大毛巾墊在底部，熨斗則要「凌空」熨褸，可避免壓出礙眼的褶紋。
其他難搞衣物：
屋企要熨的衣服豈止恤衫西褲咁簡單，女士們的絲質衫、百褶裙、近年又流行鑲珠片閃石；男士都有大熨畫啦，熨以上衣服記得鋪條棉毛巾。
熨衣誤解
1.熨大範圍衣服時，以為向上方及同時向左右兩邊擺動，這做法是錯的。應該順着衣服纖維的紋理一行行向上熨，衣服才不容易變「Wea」。
2.熨衣袖、褲管或裙腳時，熨內層只是多此一舉，起不了大作用。
墨魚骨洗熨斗
熨斗用得多，常出現白色粉末堵塞底部氣孔，那是水份遺留下的礦物質「殘骸」。「去中藥店買塊墨魚骨擦洗底部，再用濕毛巾或棉棒抹乾淨便可以啦。」呢個鮮為人知的小秘訣，係家務助理李小姐話我知嘅。
