香港影視娛樂博覽2006噚晚喺會展舉行，煲呔（左二）做主禮嘉賓，佢喺台上好高興，話噚晚係本地業界八項盛事共冶一爐，因為今年係香港國際電影節三十周年，香港電影金像獎二十五周年，同埋香港國際影視展十周年。
煲呔又乘機大讚香港創作人好掂，香港又有資訊流通自由，有利於營商環境。至於政府梗話係支持啦。噚晚真係星光熠熠，煲呔、吳光正、王家衛以及梁朝偉一齊主持開幕儀式。
電影業本來好蓬勃，但係近年真係冇乜好戲睇，老董時期成日話要幫影視界，但係實質嘢唔多，希望煲呔講真，做吓嘢，等香港娛樂事業可以重振聲威。
傳真︰2623-9278
電郵︰[email protected]