草蜢去年在紅館舉行復出演唱會，大獲好評，今年九月會加場，三人前晚先到馬來西亞雲頂表演一場，內容及服飾都與香港演唱會大致相同，但少了蘇志威與蔡一傑接吻環節，只剩蘇志威撫摸蔡一傑，由胸膛摸到褲頭，讓全場歌迷尖叫。
自誇靚仔
前晚開場時，蔡一傑介紹說：「草蜢最靚仔嘅係……蔡一智。」蔡一智聞言笑謂：「既然我細佬都咁讚我，我梗係唔可以否定佢，冇錯，我就係草蜢裏面最靚仔嘅，我係蔡一智。」蘇志威見兩兄弟一唱一和，也自誇道：「草蜢裏面最有型嘅就係我，蘇志威。」蔡一傑介紹自己卻不好意思的只說：「而我就係……蔡一傑。」
後來蔡一傑又拿蔡一智婚事開玩笑說：「你要玩嘅話好趁呢半年，唔係就冇得玩呀。」蔡一智尷尬謂：「冇啲咁嘅事。」
撰文：蔡如玉