鄭希怡（Yumiko）、關心妍、郭芯其、鄧健泓及組合EO2等昨日到灣仔修頓球場出席「建造業安全獎勵計劃」活動，關心妍以跌膊裝成功搶鏡，更吸引不少男性圍觀者拍照留念，而郭芯其則以小背心及短褲突圍，反而一向不吝嗇作性感打扮的Yumiko就穿着密實。
水浸興奮扒艇
關心妍表示近日屋苑進行裝修，外牆更全部搭上棚架，令她經常擔心被偷拍，她說：「真係好驚，因為啲窗簾好薄，喺屋企有時又只會着睡衣，最怕被人影到頭髮蓬鬆個樣，𠵱家喺屋企好冇安全感，仲要拉晒全屋窗簾先出嚟，最擔心係狗仔隊買通咗裝修工人，所以我寧願俾人爆格，都好過俾人偷影。」
Yumiko則表示小時在上海曾遇天花板倒塌，她說：「當時落好大雨，啲雨滲落天花板，搞到成個天花跌落嚟，成屋俾水浸晒，自己都好驚，不過見到條走廊浸滿水好似成條河，就覺得好開心，仲即刻攞個木盆出嚟玩扒艇仔㖭。」
採訪、攝影：駱華齡
