前陣子，同事Chris響我寫緊稿嗰陣，突然同我講：「丹尼斯，去鬥車囉！」我心諗咪玩喇，我部原裝車嚟咋，點知原來佢話鬥場《GT4》，真係俾佢吹脹！好，見佢咁有誠意，就同佢去彌敦道「劈」番轉。
大家所用的戰車也是70年代的寶馬2002Turbo，揸起上嚟真係好有OldSchoolFeeling，沿途高速走呀走，見彎就劈，不過，去到廣東道的一隻大左彎，噢！撞了！得戚的Chris毫不猶豫過了頭，結果係點？輸囉！講番隻Game，查實真係做得好細緻，不論加速、制動，甚至轉彎時的反應也跟足真車去做，連旁邊的環境也做得勁似（我講的是香港賽道），玩起上嚟都好好Feel呢！
記者：鄭達基