「好多人唔識洗頭。」洗頭水廣告模特兒總愛搓揉秀髮,但星級髮型師Amy說,洗頭時應主力洗刷排出頭油的髮根;她又提醒年輕人不應盲目模仿藝人髮型,要選擇配合自己臉形及髮質的髮型:「有個女仔係都要剪容祖兒個頭,結果唔襯自己,喊咗出嚟。」
曾參與甄妮及謝霆鋒等藝人演唱會的髮型師Amy,臉孔經常出現在SalonEsprit雜誌、銅鑼灣等鬧市的廣告牌上。Amy說,常染髮會損害秀髮,因此每次染髮應相隔兩至三個月。她不建議市民將頭髮染成淺色或紅色,因這需要先將秀髮漂色,損害最大,而且中國人臉色偏黃,深色頭髮才最適合。
洗頭時應清洗髮根
在英國修讀頭髮護理三年的Amy說,頭油從髮根排出,洗頭時應清洗髮根,但添加護髮素時,則應塗在頭髮上,以鎖緊水份,「如果搽晒喺髮根,會塞住毛孔,仲多油。」她又說,在家將焗油塗上後,可用保鮮紙包裹頭部,但時間不可較指示的長,以免太油膩;染髮後可用專業品牌如Schwarzkopf的護髮用品,補充養份。
她說有客人會要求模仿藝人髮型,但藝人常有髮型師在旁整理頭髮,「真係剪舒淇個髮型返工,半日就亂晒。」一位臉圓少女曾堅持模仿容祖兒髮型,結果「齊陰」令她的臉看來更圓,最後更哭了起來。
Amy說臉圓的人可用頭髮輕遮兩頰,臉部太尖的要露出臉龐,以免「只見頭髮,見唔到個樣。」若頭髮太疏,她建議剪短,因頭髮豎起會看似厚一點;太濃密的可留長再「偷薄」,「但如果個客要剪唔啱佢嘅髮型,我會勸三次,唔聽就算;因為最緊要係佢自己鍾意。」
記者:翁煜雄
逢周一刊出