經濟不景，近年又引入賭波活動，𠵱家問十個去馬會嘅人，九個會話你聽有賭波。一來賽事多，選擇亦多元化，馬會開出嘅盤口仲可以同外圍對沖，都唔知幾好玩。搞到賽馬活動好似變咗老人家玩意，面對咁嘅競爭，馬會都要諗啲噱頭，吸引馬迷。
好似「馬場一哥爭霸戰」咁，就搞到好似問答遊戲，馬迷只要答中題目，就可以攞到現金券，聽講好多人都特登打電話，睇吓有冇彩數可以參加問答遊戲。另外，原來晒馬唔係九鐵嘅專利，下個星期舉行嘅「香港打吡大賽」，馬會就搵咗一大棚香港打吡大賽吉祥物「打吡一哥」，前兩日喺銅鑼灣、中環皇后戲院外面同旺角百老匯外巡遊，同市民、遊客作近距離接觸，瞓身宣傳香港打吡大賽。有冇成效？睇吓周日（二十六號）舉行嘅打吡大賽就知。
爆料熱線：29290000、27860099
報料傳真：26239278
報料電郵：[email protected]