劉德華對於日前在尖沙嘴發生的警員槍戰案，以及早前一位保安員墮山大難不死事件，均感興趣，認為可改拍成電影，而他創辦的映藝娛樂開拍的電影《得閒飲茶》，更獲邀代表香港參加意大利烏甸尼電影節，認真可喜可賀。
劉德華創辦的映藝娛樂投資，林子聰（肥仔聰）執導、方力申、Viann主演的新片《得閒飲茶》，獲邀參加下月底舉行的「第八屆意大利烏甸尼電影節」，而另有兩部港片《天生一對》及《伊莎貝拉》亦同時代表香港參賽。
沒期望攞獎
肥仔聰、方力申、Viann、林家棟昨日出席在銅鑼灣舉行的《得閒飲茶》首映，華仔以老闆身份撐場，Viann為搶鏡即場除外套，以低胸吊帶裝示人。
肥仔聰下月二十一日起程赴意大利，但他沒期望可得導演獎，他說：「希望男女主角有獎攞，導演獎就下次先，咁快上唔係幾好，跌落嚟會好痛㗎！」
似足羅生門
華仔主演的《無間道》系列電影，以警員卧底為題材，而日前發生的在尖沙嘴三名警員駁火案，比起《無間道》劇情更加峯迴路轉，問華仔會否將此案件改編成電影開拍？他說：「𠵱家呢個時候唔知拍唔拍得，因為要攞版權。」
華仔續說：「如果唔係有呢件真故事發生，寫成咁都冇人信，我對成件事都好有興趣，點解三個都係差佬都要查佢，希望可以將個古仔講出嚟，究竟發生過乜嘢事？成件事好似羅生門咁，可以拍三個故事，我覺得有啲似第三集《無間道》，明明係想做警察，但又做唔到。」
華仔說：「其實仲有個古仔都好好睇，就係早排有個保安跌落山七日，食樹葉救命，我好想知道佢點解要帶三個收音機，如果攞佢個版權，一定畀拍。」
採訪：魯萍 攝影：陳偉權
