提起Janice，你可能最記得「３」的廣告，舉起雙手fling吓fling吓，或者她跟細妹阿Jill孖公仔look？𠵱家應該多咗一個美白印象，因為她最近成為~H2O+的全新代言人。看到她就feel到春天Refreshing的感覺，原來她護膚最緊要有維他命C，所以由洗面，到搽精華素和面霜全部都是維他命C。
記者：盧家蕙
攝影：楊錦文
拍攝場地：OasisHomme（28343688）
洗面都要維他命C
「我嘅肌膚護理程序以simple為主，但係絕唔可以馬虎，我好重視完成最主要的護膚步驟，徹底卸妝潔面、做足保濕的功夫、適當選用滋潤面霜及精華素係好緊要的。春天轉季，我用~H2O+水中美白潔面泡沫，感覺輕身、清爽又好soft，最正嘅係，泡沫含豐富維他命C、海藻及活性酵素，可徹底潔面同時又可以美白，多拍外景都唔怕。」
Janice仲叫各位姊妹平時要攝取多點豐富VitaminC。「好似士多啤梨、青蘋果同飲新鮮檸檬水都係我嘅至愛，食多啲人都自然sharp啲㗎！朝早起床如果面腫，就要留意平時食少啲鹹嘢同臨瞓前咪飲水就OK啦！同埋我最近用咗~H2O+新出嗰支美白緊緻精華素，不過香港仲未有得賣，4月中先有，我係第一個率先試用的！佢質地好爽，我用了一個星期已經覺得firm咗同白咗。」
室內都要美白
Janice話拍攝~H2O+廣告時，太陽好猛烈。「我都係個鍾意陽光嘅女仔。不過又唔可以曬黑喎，因為鍾意keep住自己的皮膚夠白，潔白的肌膚總是給人乾淨白滑的美感，十分自然。所以無論係戶外或室內工作，我都做足防曬美白。之前我用了防曬gel打底，例如~H2O+水中美白細緻啫喱及水中美白眼部修護霜，夜晚用美白精華素修護番。」另外，「八杯水」係Janice心目中的王牌產品，即時保濕效能好高，用過好超正囉！
1.水中美白細緻啫喱，潔淨收毛孔、淡斑、均勻膚色。$330（a）
2.升級版美白緊緻精華，緊緻兼美白。$290（a）（4月中推出）
3.水中美白晚霜瞬間溶解肌膚表層死皮，擊退黑色素。$420（a）
淨白面膜（6片/$320）及水中美白面膜（$350）都是Janice愛用的產品之一，papermask陣陣牛奶味，提供高效美白及保濕效果。（a）
新一代代言人
Janice成為新一代~H2O+代言人，分別在沙灘和家居拍攝，給人很fresh的感覺。「我一直都好想拍護膚品廣告，想不到首次便可與世界知名護膚品牌~H2O+合作，真係好開心呀！我好喜歡~H2O+清新自然的形象，特別欣賞她以天然海洋礦物及水研製的護膚品。作為品牌的代言人，我希望日後可與更多靚女分享~H2O+的海洋護膚及美白心得，並將~H2O+美的哲學徹底表現出來。」
搞花臣DIY護膚
Janice喺屋企鍾意將啲生果、鮮奶、乳酪等撈埋一齊敷上面，「最近聽朋友講用Banana加砂糖，話係磨砂秘方喎，我一早買齊晒所有材料，不過未有時間整，左溝右溝之後撻上面，sofunny﹗」聞落去就好香甜，你又敢唔敢試？
假睫毛即Sharp
無論唱歌和拍廣告，Janice表情豐富，一雙大眼睛眨呀眨，眼睫毛既纖長又濃密，還以為佢植眼睫毛。原來她只塗了Mascara同埋黏了一小撮假睫毛。「因為平時睇起上來已經幾長吓，所以只係黏少少已經OK了。」
獨愛bob頭
Janice話喜歡嘗試唔同的髮型，好似訪問當日，係長直髮look。「遲啲好想整個前面齊晒、長過耳仔少少的髮型，髮尾要好齊的！（即係bob頭？）係呀係呀，類似啦，不過唔知畀唔畀……」
透明指甲夠令
至於指甲嘛，我試過駁指甲，不過𠵱家冇喇！因為我本身唔算好貪靚，指甲乾淨企理就得啦，又唔鍾意留長佢，所以閒時很少塗甲油，即使係都搽透明甲油，令身就夠了，感覺簡單整齊。」
a）~H2O+（31827777）
b）shuuemura（31481022）