鄺美雲（Cally）和傅明憲等昨日帶同愛犬在大潭郊野公園出席狗狗步行活動，Cally透露愛犬Cash現時兩歲半，正值適婚年齡，加上不少朋友十分喜歡Cash這品種的狗，很想有一隻複製Cash，所以她昨日宣布要為Cash徵求伴侶，條件是靚女及純品。
香港愛護動物協會昨日在大潭郊野公園舉行「開心狗狗步行2006」活動，會長傅明憲及愛狗之人如鄺美雲、富豪酒店太子女羅寶文等均帶同愛犬出席支持。
Cally及愛犬Cash排場最勁，有保鑣護駕，當Cash行到攰，保鑣會抱起牠讓牠休息。Cash步行時屁股翹起，又愛嗅其他狗隻屁股，十分可愛。
皈依減少發情
昨日Cally宣布要為Cash徵婚，她說：「我要娶新抱啦，因為Cash𠵱家兩歲半，係適婚年齡，加上我有好多朋友都好鍾意Cash呢種比熊犬品種，佢哋話好想有一隻複製嘅小Cash，所以我都係時候要幫Cash搵個伴啦，條件就係要同種、靚女啦，同埋個性純品。」Cally又指皈依後的Cash已減少發情。
修讀獸醫課程
另一狗癡傅明憲帶同十四歲的孟波及十一歲的饅頭出現，愛犬齊齊穿上牛仔裝，傅明憲說：「佢哋嘅造型叫斷背狗呀，呢啲牛仔衫買咗好耐，𠵱家見《斷背山》hit咪拎番出嚟畀佢哋着囉。」
傅明憲透露下周開始修讀獸醫課程，每周上課十五小時，然後考試，畢業後可當獸醫助理，她說：「我湊狗湊咗二十幾年，考呢個試好有信心。」
採訪：RitaLeung
攝影：RickyChan
