早排睇國際新聞，有人懸紅11萬港紙，徵求可以喺Mac機運行嘅WindowsXP，最後由兩位軟件工程師成功奪得。電腦男同工程黃傾過，覺得成件事都幾無聊，首先近年Mac機由記憶體、硬碟、光碟均已偏向PC化，𠵱家仲用埋IntelCPU，指令編碼跟視窗啱晒Channel，理論上運行Windows無咩難度，因乜解究咁費周章呢？蘋果電腦賣嘅唔單止係簡約靚仔嘅機款，MacOS平台亦係靈魂所在，夾硬要嚟行WindowsXP，就好似畢加索受命畫甘小文四格漫畫咁戇居！之前未有Mac版《Office》、《IE》就話要行Virtual啫，難怪蘋果電腦高級副總裁PhilSchiller都酸溜溜咁話：「若果大家喜歡蘋果電腦，但又被迫跟視窗系統接軌，我認為還是可以接受的。」