九鐵兵變，特首竟然要搵到港英遺臣詹伯樂出山做雷霆救兵，都可見煲呔手中真係冇乜將才可用！不過又有官場中人話，今次搵人入主九鐵，係要幫九鐵做大手術，除咗要熟悉鐵路，仲要信得過至得。
詹伯樂其實同煲呔軍師許仕仁，早喺九十年代初已經合作，詹伯樂九十年代初做工務司，當年肥龍先做副工務司，之後又調任做新機場工程統籌署署長，都係同詹伯樂拍住上。到詹伯樂九二年離開，肥龍先調去做運輸署署長，所以今次九鐵有難，肥龍搵詹伯樂頂上，自然有原因，起碼信得過佢，唔會好似黎文熹咁起政府飛腳，而且講到玩權術、辦公室政治呢家嘢，有乜人叻過港英班鬼佬官？唔好唔記得煲呔、肥龍啲權術，都係英國佬度學㗎！
爆料熱線：29290000、27860099
報料傳真：26239278
報料電郵：[email protected]