李璨琛（右二）俾人感覺有時有型，有時又有啲爛佬feel，但有時都幾可愛，佢前晚同女友同埋一位男友人喺蘭桂坊出現，時近一點，佢一行三人經過鏞記酒家，除咗佢之外另外二人都邊行邊傾電話，李璨琛見有記者，突然好興奮咁舉高V字手勢任影唔嬲，笑容滿面，記者見佢咁鬼馬都忍唔住笑，不過李璨琛見記者笑，亦忍唔住笑住話：「快啲啦，好攰呀！」