四十三歲的黎先生坦言，失業的日子很難捱。「長工、散工都搵唔到，又積落好多欠費，連交租錢都冇，太太又帶走埋個女，一個人留喺間屋裏面，覺得好難過。」
抗拒申領綜援金
原本任職點心師傅的黎先生，年多前開始失業，之後雖曾努力搵工，但僱主只着他回家等消息。失業期間，他只能間中找到散工，但不足維持生計。他向記者表示，「我好抗拒去社署攞綜援金，所以惟有不停去搵工，有散工就做住先，我諗住捱到幾耐得幾耐。」
生活迫人，最後他轉向朋友賒借度日；此時，太太又帶同十一歲女兒離開，失去蹤影。屋漏兼逢連夜雨，早前各樣欠單如雪花紛飛而至，房租已拖欠兩個月、水費、煤氣費、電費及電話費等不能再拖。
妻子攜女兒失蹤
「全部加埋成四千幾蚊，我實在冇辦法捱落去，如果重唔交錢，我就會被截水截電，又冇屋住，到時都唔知點算。」
黎先生日前已向社會福利署保障辦事處申請失業援助金，但職員稱審批需時，未能解其燃眉之急。
他語帶肯定向記者表示，綜援金獲批後，他仍會繼續努力搵工，不欲做社會的寄生蟲。「我仲有手有腳，身體又冇乜大病，所以我唔會咁易放棄，希望搵到工做後，太太會返嚟我身邊，可以一家團聚。」
蘋果日報慈善基金了解黎先生困境後，即時撥款五千元緊急援助金，助他盡快清還欠費，展開人生新的一頁。
捐款編號：C1967
暖流熱線
電話：29908688
傳真：23702192
電郵：[email protected]
網址： http://www.charity.atnext.com