前晚中環相當熱鬧，最緊要係人人都有美相伴。新人伍允龍（左）最近拍完方力申主演嘅《獨家試愛》，忙於宣傳，但都抽空消遣一下。前晚十二點幾，伍允龍喺路邊等車，結果一部的士停低，四個中女齊齊落車，伍允龍接完靚女後，雙手插袋一馬當先，幾位女士就跟佢尾邊行邊笑，相隔幾個身位咁行，可能怕惹緋聞，但行行吓其中一位靚女終於忍唔住，要上前同伍允龍密密斟，就咁佢就一拖四行咗去飲嘢耍樂。