一年一度嘅大專辯論賽今年踏入第二十二年，噚日喺港台大本營舉行準決賽。上晝由嶺南對樹仁，下晝由浸大對科大爭奪決賽權，結果分別由嶺南同浸大勝出，四月二號去維園爭冠軍。
嶺南勝出嗰場，辯題係「全港中小學即時推行小班教學弊多於利」。嶺南係正方，成功證明「即時推行」係「弊多於利」，結果打動五位評判陳婉嫻、何安達、黃繼兒（副法律政策專員）、黃幸怡（女律師協會會長）及張錦輝（知識產權署副署長），贏得出線權。
下晝嗰場，由科大對浸大，辯題係「政府應實施新建議的公屋不劃一租金政策」，裁判有單仲偕、麥業成（大律師公會執委）、陳景祥（信報總編輯）、毛錫強（副法律草擬專員）及李佩詩（教統局首席助理秘書長），結果浸大三比二贏咗。
八方問單裁判班大學生表現成點？佢就話快到聽唔切，直情勁過立法會─點解咁講？單仲偕話，你睇立法會咁多人瞓覺，而呢個辯論會個個咁精神，就高下立判啦。
爆料熱線：29290000、27860099
報料傳真：26239278
報料電郵：[email protected]