全民健康動力主席勞永樂醫生表示，香港空氣質素愈來愈差，如果旅客本身有呼吸道問題，即使只逗留數天也會受影響，「如果輕微嘅都會係咁流眼水、鼻水，而且會有鼻敏感。」香港以春季的能見度最低，因南中國的風向會把污染物吹向香港，以屯門及東涌地區最嚴重，「加埋香港本身嘅污染，咁啲旅客嚟香港就睇唔到個維港景色，乜都睇唔到。」
導致呼吸道敏感
勞永樂續指，本港空氣污染源自柴油車、發電廠及其他燃料所釋出的二氧化硫、碳及重金屬粒子等。這些物質會導致氣管及呼吸道敏感，甚至引發心臟病發及哮喘，「如果有哮喘嘅人喺污染嘅空氣下做劇烈運動，例如馬拉松，會好危險，嚴重嘅會死人。」剛過去的渣打馬拉松賽事，就有多名參賽者因而不適。
本報記者