搞笑太子爺歌星都真係幾花心，佢𠵱家同小花歌手拍拖，但個心都唔可以定落嚟，關仁收到風，早排佢同公司啲糖女歌手一齊拍戲，佢又猛向人獻殷勤，仲講到同小花歌手感情好淡，遲早玩完，所以想糖女歌手落叠。 對方係太子爺，又出到溫柔招，糖女歌手梗係嗒晒糖啦！不過呢位妹妹就真係懵盛盛，真係以為自己可以坐正，發夢冇咁早啦，呢個花心大少根本同小花未散，就算散咗，你要佢全心全意只愛你一個都幾難啦！