二十六歲的富豪集團太子女羅寶文，去年推出以家中三頭愛犬做主角的漫畫，出錢出力，只為宣揚正面人生觀，發揚關懷社會、行善助人等精神，希望將自己的幸福人生與人分享。 撰文：DebbieLum
富豪集團太子女羅寶文（Poman）十九歲即加入家族旗下的富豪酒店工作，近年更主理房地產、改建及擴建酒店，又開拓收身健康飲品等生意。去年底，羅寶文將全副心思放在寶貝狗身上，請專人將自己三隻寶貝狗Bodhi（菩提）、Aimee（belove）及Chloe化身漫畫主角，由她親自撰寫故事，找專人編成連環圖，目的不是賺錢，而是希望將小狗帶給她的快樂與幸福，與其他人分享。
宣揚正面訊息
羅寶文接受訪問時都攬着心愛的Bodhi，笑容由心發出，她說：「養Bodhi之後，每日一返到屋企就充滿歡笑聲，見到佢哋就忘記晒煩惱，我希望將呢份喜悅同所有人分享。同埋我發覺香港教育好重視成績，讀書係為咗求名求利，乜嘢都要叻！但就忘記咗對社會嘅責任、公民意識，其實人格先係最重要，所以我想借Bodhi漫畫帶正面訊息畀小朋友。」Bodhi早前考取了狗醫生牌，只需上完訓練課程，便可到醫院、老人院探望病患者及老人，身體力行帶歡樂給大眾。
不說不知，羅寶文十多歲時，曾到青山精神病院做義工，以及為香港撒瑪利亞防止自殺會接聽求助電話，這段短暫回憶卻至今難忘，她說：「嗰時個巿有問題，好多人經濟、情緒都好差，啲求助電話多到接唔晒。我最嬲係接到啲老公失業，打老婆、打仔女發洩，聽完個人好無奈！當時純粹聽，我答得好『行』，對自己好失望！因為自己由細到大都好順利，讀書ok、家境ok，根本冇遇過挫折，完全唔識幫人，亦都冇經驗幫人。」
單身靜待良緣
本來一心繼續進修，做心理學博士的羅寶文，醒悟與其寫「全球只得二百人睇的論文」，不如從商、投入社會做事幫人更直接，加上父親羅旭瑞要求，大學畢業就投入工作。而三、四年前，羅寶文在哥哥羅俊圖介紹下，認識一位密宗大師，從此信奉密宗的她，更堅信金錢、物質以外，導人向善亦是人生的責任。
現年二十六歲的羅寶文平日帶埋狗仔返工，放假便到鯉景灣露天茶座放狗，問她沒有拍拖、不怕悶嗎？她笑笑說：「唔怕，啱啱畢業時就好想拍拖，𠵱家就隨緣啦！」問到擇偶條件，羅寶文說：「有上進心、好學，唔可以只係掛住做嘢，大我十年、八年左右，不過最緊要係溝通到。」
攝影：RickyChan
（部份圖片由羅寶文提供）
場地：九龍富豪酒店Regala
