羅寶文常慶幸自己在酒店中長大，因為酒店是一個開心行業，她說：「客人去酒店度假、食飯、聚會都係開心嘅事，所以返工都係開心事。爹哋係工作狂，我哋細個嗰陣，佢放假嘅節目就係全家人去酒店巡舖，聖誕、過節都係咁過！」
加入富豪集團六年，問羅寶文工作上最失敗的一次，她笑着說：「好彩唔係大project！啱啱返香港時，我構思咗一個好似叫『浪漫激情99小時』嘅情人節package，做好多宣傳又搞網站，大約係第一日送蛋糕、第二日送花，第三日燭光晚餐連房間，點知得十幾二十個人join，嘻，我諗我係高估咗香港男士嘅激情。」
至於最成功一役，自然是羅寶文創出與TVB合作，借出樓盤拍攝電視劇當宣傳，為高價買入時遇上樓市低迷、一度令集團負債百億的富豪海灣以超值價賣廣告，最後成功套現四十八億元。
為餐廳設計燈飾
羅寶文絕對是叻女一名，十五歲跳班入美國杜克大學（DukeUniversity），十九歲大學畢業，八級鋼琴，曾在環球片場做導演。她凡事親力親為，富豪海灣的示範單位室內設計、裝飾用的油畫，都出自羅寶文手筆。她主理的RegalaCafe&DessertBar主打健康低脂甜品，亦由她設計室內裝飾，上至天花吊着的西班牙燈飾，下至自己配色訂做的梳化布，都不假手於人。連下期由王盛德（張天愛丈夫）做主角的富豪海灣電視廣告，羅寶文亦一手包辦形象、作曲及廣告歌等，她謙稱：「我好鍾意做嘢，唔辛苦，好多好同事幫手！」