Ball后薛芷倫前日出發往上海，準備出席昨晚舉行的「萬寶龍100周年慶典」，誰知拿英國護照的她，飛抵上海才發現簽證過期，被迫原機折返，未能出席昨晚盛事，薛芷倫返港後無奈地笑說：「遊咗一日飛機河，早機去晚機返。」上海直擊
德國名牌萬寶龍（Montblanc）成立一百周年，昨晚於上海車敦舉行「萬寶龍100周年慶典」，廣邀一百位紅星名人出席。復出Ball后薛芷倫當然獲邀，不過她前日抵上海時，竟發現簽證過期，白白錯過是次盛事，認真失策！
神情嚴肅
前日下午四時半左右，薛芷倫由香港乘飛機抵達上海，只見她身穿短袖上衣及牛仔褲，頭戴鴨舌帽，手挽大褸及手提行李，在入境大堂找海關職員商談事情。其間，薛芷倫表現得既嚴肅又無奈，未幾，海關職員帶她到離境大堂的港龍航空服務櫃位，薛芷倫與職員談了一會，就跟隨職員經職員通道再入機場禁區，良久未見她再出現。
原來薛芷倫已乘坐原機飛返香港，她前晚返港後在電話中苦笑說：「我擺咗個大烏龍，飛到上海過關入境時，先知原來我個中國簽證過咗期，其實我喺香港機場checkin時都有畀證件職員睇，但大家都冇發覺，本來可以做落地簽證，但海關又話我攞英國護照冇得做，於是咪唔畀我入境囉！要原機返香港呀。」
留港休息
薛芷倫謂沒有為此事不快，但也不會再趕往上海出席活動，情願留在港休息，她說：「可能整定，我費事再咁頻撲啦，今日已經早機去晚機返，遊咗一日飛機河，好搞笑。」
採訪、攝影：娛樂突發組、蔡如玉
