內需衣食住行瓣瓣大熱，廣南（1203）值得短打之餘，亦要長線追蹤。廣南主打馬口鐵產銷（即係罐頭廠商上家之一），去年祖國罐頭內銷量超過150萬噸，相對04年已經翻半番，下家廠商肥仔時，對廣南馬口鐵應該大有需求，廣南亦係食住內需熱。
再講，祖國每年人均消費30包奶類產品及20包方便?，但只係消費兩罐罐頭食品。即係話，罐頭市場相對滲透率非常低，未來爆炸力，先係戲肉。廣南上年中，將馬口鐵產能大幅提高66%到20萬噸，迎合呢個絕佳商機，相信今年打後嘅業績增長，先認真嚟料，要長線追蹤。Beforethat，預期廣南05年度（12月止）純利1.6億銀，增長兩成，PE落番單位數9字頭，博廣南創1年新高，股價見1.9元，PE不過11倍水位，向上23格水位，短打亦有肉食。
基金股瘋狂 埋位買資策
資本策略（497）上年12月到家陣，一路兜圓底，要昅到實一實。資策係上個月配股，引入花旗名牌對沖基金StarkInvestment，揸咗資策9.3%，連埋集團上年中配股引入小小超、袁天凡及德祥（372），資策股東人強馬壯，未來業務可聯想空間好大。
又上星期，連成交一向淡靜嘅基金股渝太（075），都狂升近40%，博資策上番上年高位1.62元，現價潛在升幅已經25%，但未夠渝太瘋狂。
錢雋