林嘉欣擔正的電影，口碑好壞參半，有些票房更未如理想。嘉欣表示電影票房的好壞，受很多因素影響，她說：「作為演員，我會盡力去做，盡力去宣傳，其他嘢唔會諗。一部好嘅電影，除咗劇本要寫得好之外，仲要由好多人去配合，有演員、幕後、製作、宣傳，又要睇當時嘅巿場環境，部戲未上，啲人就話差，觀眾就唔會去睇，而且演員好被動，初時睇個劇本係咁，就算拍得到出嚟，但到時左剪右剪，一樣會有唔同嘅效果，票房差，我都唔會有壓力。」
提升質素
嘉欣慨歎除非是頂級巨星，否則可選擇的角色及劇本是有限的，始終演員也要有工作、有收入，不能推掉所有不合心意的角色，嘉欣表示正嘗試提高自己的演戲質素，她說：「我希望拍啲有質素嘅戲，就算係一年拍一部都得，收入少咗，最多喺生活上面調節。」
對於票房與獎項，魚與熊掌，大部份電影人當然想兩者兼得，至於嘉欣會如何選擇？她說：「票房實際啲，在投資者嚟講，大賺梗係好，賺得唔多都要收得番本。」