獨缺王海峰
林嘉欣隻身來港發展,取得不俗成績。談到三位需要感謝的人,嘉欣幾番思索下,才艱苦選出家人、爾冬陞和詹瑞文。其實星皓老闆兼嘉欣的前緋聞男友王海峰(圖一右),一手提攜她,讓她有很多機會跟實力派演員合作,但在感謝名單中,卻沒他份兒。
1.家人成支柱
嘉欣在加拿大出生長大,十五歲獨自往台灣留學,輾轉隻身來港發展,經過十多年獨立生活,嘉欣雖感辛苦和寂寞,但慶幸有家人的關懷和支持,才捱到今天,她說:「唔係佢哋支持我,我都冇辦法捱到咁耐,佢哋會支持我,唔會睇低我,當我去到好迷茫時,佢哋同我講,就算去到最壞嘅情況,都可以返屋企。」
2.伯樂爾冬陞
嘉欣未來港前,曾拍過張學友的《情書》MV,爾冬陞(圖二右)看過MV後,便找她拍戲,成為嘉欣事業的轉捩點,她說:「如果唔係佢搵我,我未必有機會喺香港發展。」但嘉欣表示與爾冬陞相交時間不多,她說:「平時佢好少同我講嘢,亦好少見面。」
3.恩師詹瑞文
嘉欣與詹瑞文(圖三左)亦師亦友,兩人相識兩年,嘉欣常向他請教,她說:「以前我做戲靠自己,唔識點表現會好啲。佢教曉我好多嘢,例如劇場歷史同文化,佢又同我分析角色點樣去演繹,好少同行演員會咁樣傾演戲,同佢交朋友好開心。」