【本報訊】一般合唱團都以在音樂廳表演為榮，但香港青年協會的香港旋律合唱團則以走進社區為目標，將會走到老人院及醫院等地獻唱，做音樂義工。
昨日香港旋律合唱團在渡輪上作出首次公演，寓意讓音樂走進生活，在任何地方都可以演唱，其顧問委員會主席陳永華更笑說他們將會在「海、陸、空」獻唱，「我仲希望第日會上埋太空」。
聽音樂想起舞
發起人教育統籌委員會主席王䓪鳴表示，現時的青少年學習音樂多着重比賽，「有呢個構思係因為音樂係好開心嘅，唔應該只係為咗比賽，應該畀音樂走入我哋嘅生活。」她笑着回憶年輕時經常到派對跳「阿高高」，「我真係好鍾意音樂，一聽見音樂我就想跳」。
到老人院獻唱
青協音樂總監趙伯承表示，團中三十七名成員是從約二百五十個申請當中挑選，「我哋要求佢哋除咗音樂叻之外，性格都要開朗，因為佢哋第日會去老人院同埋醫院獻唱」。
即將於中大工商管理系畢業的成員鄧卓斌，他現已獲得四大會計師樓之一的聘書，但他表示對音樂的興趣較大，「如果我做咗嗰份工就唔會有時間玩音樂，所以我寧願選擇做音樂」。