張藝謀同鞏俐分手十一年後，再度合作拍攝電影《滿城盡帶黃金甲》，製片張偉平同內地記者講，話張藝謀拍《英雄》同《十面埋伏》時已經想搵鞏俐，不過擔心俾傳媒炒作，加上鞏俐又唔係咁滿意劇本。今次張藝謀最初都係透過安樂院線老闆，先攞到鞏俐個電話，佢哋通咗三次電話，見咗三次面，張藝謀先打動到鞏俐拍呢套戲。