楊采妮、梁詠琪昨日以品牌之友身份，在中環為SalvatoreFerragamo宣傳新手袋，兩人分別獲贈七千及八千七百元的手袋，而她倆亦非常識做，除親切地與Ferragamo第三代傳人JamesFerragamo錫面打招呼外，更即時送上簽名相做禮物。
昨日凌晨尖沙嘴發生警員槍殺案，楊采妮之前拍《新警察故事》時，亦曾在同一位置拍攝槍擊場面，她聞言說：「我未睇新聞詳情，所以唔清楚，不過每次睇到呢類事件都好心噏，有時睇完仲食唔落飯㖭！」
參觀酒莊
楊采妮透露去年與梁詠琪一同參觀Ferragamo家族古堡、酒莊及馬場，驚覺梁詠琪酒量佳，問她對方狂隊酒可是借酒澆愁？楊采妮即時說：「唔係，佢開心啫！成個trip都咁開心。我哋係好朋友，發生乜嘢事我一定支持佢。」而梁詠琪則表示現時心情已回復，問她與鄭伊健各自回家避碰頭一事時，她說：「唔知喎，我做完嘢就返屋企。」
採訪：梁錦雯 攝影：林德雄
