劉嘉玲早前被拍到四出參觀豪宅，報道指她倒貼六千萬買樓向男友梁朝偉迫婚。劉嘉玲昨日在中環出席活動，回應「貼錢迫婚」一事時，先冷笑三聲，自辯是一崇尚自由的女人，亦不在意結婚，她更透露搵錢比偉仔少。
劉嘉玲昨日到中環IFC為水晶品牌Swarovski「詩意遊情」首飾騷任壓軸嘉賓，與一眾名模如Rosemary、Mikki和陳沛嘉等同場。嘉玲穿上一條Chloe純白背心裙，在花形機關中出場，恍如女神般。
稱崇尚自由
早前有雜誌指嘉玲貼錢六千萬購買豪宅來向男友梁朝偉迫婚，嘉玲聞言先冷笑三聲：「哈！哈！哈！」之後說：「講到梁朝偉好唔知點咁。我係崇尚自由嘅人，唔鍾意人地迫我，更加唔會去迫人，而且唔識迫，結婚呢啲嘢係冇得迫嘅！」她續說：「可能大部份女仔都想結婚，但我唔係，結婚對我唔係太重要！我𠵱家係追求和諧舒適嘅生活。」
歎浪費靚景
報道又指她收入遠勝偉仔，嘉玲對此說：「咁你哋問吓梁朝偉啦，我唔會講，不過計比例嘅話，我係少啲。」她指偉仔沒有受報道而影響心情。
另外，對於黎明與女友樂基兒近日被拍得在高層豪宅親密照，嘉玲興歎說：「我屋企都有好嘅景（觀），不過唔可以開窗，我覺得好可憐、好可悲！」
採訪：顏英儀 攝影：陳偉權
