深井豪景花園係細價樓，樓價百萬內有交易，不過因為換樓潮關係，短短幾日推高咗個價，搞到買家要追價入貨。美聯豪景分行經理熊超凡話，個客好似蘭西咁，以為唔使一百萬可以買到豪景花園五百零呎單位，不過幾日之間百萬以下筍盤俾人掃晒，剩番啲放盤全部過一百萬，初時佢只肯畀多兩萬蚊，最後不敵走勢凌厲嘅市況，惟有再科多四萬，至一百零六萬成交，呎價近千九。