港台昨日舉行「第十七屆電視欣賞指數調查——最佳節目頒獎禮」，郭晉安、宣萱及湯盈盈昨日代表《阿旺新傳》到港台領獎，對於《阿》劇得獎，安仔表示高興，並指角色正面有推崇價值才獲獎。
周慧敏、楊千嬅、方力申及鄧麗欣昨日到港台出席「第十七屆電視欣賞指數調查——最佳節目頒獎禮」，並擔任頒獎嘉賓，郭晉安、宣萱及湯盈盈則一同代表《阿旺新傳》領獎，二十個得獎電視節目中，港台佔八個、無綫佔七個、有線四個，亞視則有一個。
抗拒勾心鬥角
郭晉安表示《戇夫成龍》已得過該獎，今次再下一城，感到十分開心，他說：「好難入圍㗎，證明正面角色有推崇價值，我自己都鍾意睇簡單正面嘅劇集，太複雜同勾心鬥角嘅角色我普通鍾意，近年都好少人搵我演奸角！」安仔還表示四月會與汪明荃拍攝新劇《東方之珠》，他說：「我演個六十年代歌星，好自大又高傲，所以呢排要錄國語歌同排舞。」宣萱謂早知《阿旺新傳》不及《戇夫成龍》好，但得獎仍然開心，問到會否拍第三集？宣萱說：「永遠冇話唔會嘅，睇公司啦。」
另外，周慧敏於五月二十五及二十六日在紅館演出兩場復出演唱會，她說：「好多好耐冇搵我嘅朋友歌迷都打嚟畀意見，好多人搵我攞飛，不過，以前開演唱會，我都唔知自己有幾多飛，今次都一樣。」
會邀倪震上台
問周慧敏會否以昔日的養眼宮廷服亮相，她說：「製作單位冇要求我着低胸，啲人應該想睇我女人味嘅一面。」周慧敏謂她會請由入行至今每個階段對她很重要的人，問倪震會否上台？她說：「我會搵佢上台，但唱唔唱就唔知。」
採訪：馬建華 攝影：林德雄
