買車位收租，屬較冷門嘅投資，但回報幾好，而且較買樓收租簡單，起碼唔驚個單位被人用嚟做壞事，所以市場有一批擁躉，其中廖家媳婦湯慧靄係當中好多人熟悉嘅車位投資者，佢早幾年掃咗唔少貨，最近陸續放售。
廖太最新放售嘅係二百六十九個西灣河鯉景灣車位，過去一個禮拜已經賣出超過二百個，收近一億，連埋沽出香港仔中心、紅磡黃埔花園同紅磡灣中心嘅兩批車位，兩個月內套現兩億半。
廖太啲貨好似出得幾急吓，唔知係睇淡抑或套現換馬呢？
中原地產助理營業董事劉文勝話，廖太賣嘅車位，每個四十零萬，有四成由投資者承接，當中一個仲一口氣連約掃入八個㖭，回報七厘七。
電郵地址：[email protected]