朋友R天生購物狂，即使早排雙失仍不斷有佳作，每次飯局搜佢新買戰利品係我首要Mission，最唔抵得當然係佢嗰種永遠能夠遇到低價錢好Product嘅運氣。講開R，真係要讚讚佢永遠都知道我呢個麻煩人心意，送親禮物畀我都一定中晒心水（雖然唔係送咗好多，哈哈！）我個人懶簡單，但其實最唔會買嘅就係嗰啲「簡單就是美」嘅單品。
某Day行街俾我見到呢條金色鑲假鑽皮帶，淨金色可能會嫌佢唔夠特別，但加埋上面嘅閃閃「鑽石」就立即變成本周非買不可Item（而且仲有少少似Hysteric之前出嗰條！），一諗夏天低腰牛襯短身Tee，陽光照射落呢條金燦燦皮帶一定夠晒刺眼，我呢種型又不足土又未到嘅人就最啱，少少浮誇永遠最令人又愛又恨。朋友R，你唔係話仲未諗到買乜畀我咩？我忍手唔買呢條皮帶，你識點做喇？入貨地點正是你出沒熱點CWB，價錢一百有找，勁抵！