潮鞋速遞：等炒過Dub！UC回歸靡爛

鍾意街牌CONVERSE鎮牌之寶ALLSTAR機種帆布鞋嘅朋友，一定會好冧UNDERCOVER（簡稱UC）本季的「T」系拉鏈鞋！呢對「T」系將元祖PunkRock元素交互拼貼而成，但感覺上整對鞋猶如將一雙普通CONVERSE大玩轉。不過大家唔好誤會，今次UC並冇同CONVERSE交叉合作。水貨剛到，售價二千中，老闆就定過抬油，話佢必成炒鞋王，要等佢炒過Dub（Double）咁話！

記者：羅灝汶
攝影：何家亮

■放棄用鞋舌，直接加入粗身軍用拉鏈突出軍事感，鞋帶淪為裝飾品。

■又殘又破的鉚釘繼承「T」系傳統，令到鞋身金屬味更重，帶畀人一種PunkRock感覺。

■右腳鞋身隱約可以見到一個圓形Logo痕迹，刻意假扮由CONVERSE改造而成。

■右腳鞋尾的軍用布帶，帶給整對鞋兩種不同的感覺，而兩者歸一之後就成為「糜爛」的味道。

UC「T」系最大特色就係將軍事感同鉚釘加入製品之中，上次「T」系皮革味濃靴子，可以話旋風式俾一班死硬「粉絲」搶購一空，港、日總店即時斷貨，想入手就只有去水貨舖尋寶，又或者哺喺拍賣網等運到。今次UC出新鞋，不難發現「T」系反轉玩強烈糜爛味道，右腳就係頹廢軍人Look、左腳又即時變咗PunkRock，一鞋兩着，抵玩！呢對「T」系UC將會喺下星期先喺日本公開發售，水貨舖當然第一時間引入。水貨舖老闆Cody都話，呢對「T」系好快成為炒鞋王，一旦市面斷貨，炒至$5,000都一定有人要。

今次「T」系玩爛鞋，當然有根有據，每一個Detail位都有刻意營造嘅「殘廢」位，每口鉚釘都特別上色，製造出破舊感，而鞋身就用上洗水效果令到整對鞋更加爛。唔止，佢仲刻意假扮CONVERSELogo印，最後當然唔少得將軍事味粗身拉鏈強行切入，不倫不類中又迸出火花來。如果將對鞋放喺後巷，真係睇唔出係一對值$5,000大元嘅炒鞋，大家可能以為係一對破舊CONVERSE呢。

阿Dee：「我好鍾意追潮物，睇我成身APE就知啦！人地話APE同UC水火不容，不過我就好少理，係靚嘢就放上身，呢對『T』系UC都幾靚，不過我都係鍾意元祖版CONVERSEJackPurcell×UC多啲。」

JENNY：「我知道有新返『T』系UC，不過近期風頭都有啲俾CONVERSEJackPurcell×UC蓋過咗，我自己就覺得兩對鞋都好值得買，我自己係女仔，覺得着JackPurcell×UC好似會靚啲。」

■今次UC香港店推出的UNDERCOVER×CONVERSEJackPurcell×SILLYTHING，將會有三款顏色，分別是白、藍及黑，3月18日開賣，限售每人一對。售價$2,180

■水貨舖陳列的元祖UNDERCOVER×CONVERSEJackPurcell標明「NotforSell」，有錢都買唔到，全屬店主珍藏。

■交叉版鞋頭會沿用上季UC口號「WEMAKENOISE」同「NOTCLOTHES」。

■元祖版鞋頭印有「UNDERCOVERJUNTAKAHASHI」。

■復刻後鞋身會改用光滑令皮而非當年元祖版的麖皮，一樣咁型仔。

■元祖版用麖皮，Detail位有少許分別：小眼處的鞋布並冇覆蓋鞋帶洞的位置。

馬蹓：「我一定會去排隊買呢對鞋，有個Friend仲會帶埋工人去排，每人限買一對梗要Call多啲Friend去搶啦。最理想係一對着、一對炒，咁唔使錢就有靚鞋着！」

阿天：「我喺星期三朝早已經開始排隊喇，今次呢對交叉鞋係必搶！我自己想有兩對入手，但限買一對，我諗之後都會有朋友加入購買喇。」

阿華：「我識得有朋友好鍾意UC，所以自己都開始鍾意埋。佢哋出好多款鞋都有升值能力，當然係一對自着，另一對就放上網炒啦。」

3月18日即係今日下午兩點，絕對係一眾UC迷引頸以待嘅一刻，十年前一對UNDERCOVER×CONVERSEJackPurcell，時至今日依然係熱血搶手貨。當年一對千多元UC鞋今日升價10倍，叫價$9,000都有人要，UC香港總店就特別引入UNDERCOVER×CONVERSEJackPurcell×SILLYTHING，搞到一眾鞋友風餐露宿都要買到心頭好。十年後推出復刻，潛力依然強勁，水貨舖估計會升值至$5,000以上，的確厲害！事緣SILLYTHING主腦TK同高橋盾合作推出呢一款Crossover復刻鞋，水貨版已經喺南青山的ZAMIANG店上架，不過大家留意水貨版就並非與SILLYTHING的Crossover版本。

■店長Desmund：「有機會當然第一時間試着啦，手工好好，唔用麖皮一樣有型、舒服。」

■店員KERO：「我覺得黑色真係好型，今次UCCrossoverSILLYTHING係一個好大突破，因為貨量少，一定會成為潮人必搶對象。」