有線娛樂台新聞台主播陳貝兒，早前飛往美國採訪奧斯卡，此行令陳貝兒印象深刻，見證了首位華人李安勇奪奧斯卡最佳導演。陳貝兒記得在威尼斯電影節中，曾經採訪過李安，她說：「我記得奧斯卡當日行紅地毯好趕，大會公關都阻止我哋採訪，但係李安見到我哋係中國人，就請公關畀一分鐘我哋，當時真係好感動，真係好開心，李安真係好好人。」
狂掃名牌袋
除了有機會採訪奧斯卡之外，陳貝兒更走訪過不少時裝展，認識了很多世界知名時裝設計師。公餘時候，陳貝兒亦不忘四出購物，有袋迷之稱的她早前走訪米蘭，一次過買了六個名牌手袋，她說：「其實我好鍾意買袋，但係又好唔捨得買，每次出trip都會買一個獎勵自己，不過米闌啲袋實在太靚，所以忍唔住買多幾個。」
撰文：楊潔雯