任賢齊早前為一個電視特輯，介紹他最拿手的越野電單車，他一上車便不停飆車，還嘗試玩花式，事後他表示自從去年比賽弄致斷腳後，雖存有陰影，但他仍希望可嘗試跨越絲綢之路。
任賢齊早前為宣傳新碟，為無綫八頻道拍攝一個特輯，介紹他最喜愛的運動越野電單車。小齊自從去年到泰國參加越野電單車比賽，不慎受傷斷腳後，已有年多沒有玩過這項運動，他今次更帶同比賽戰衣，與香港的越野電單車高手來個友誼賽。未比賽前小齊先來個熱身，不停在場內任意飆車，當去到一個小山丘時，更嘗試玩花式，連人帶車離地跳高。
玩花式手震
小齊駕車時，表面看似非常輕鬆，但其實他非常緊張，小齊說：「上次斷腳之後，真係有啲陰影，同埋呢個場，其實係玩花式越野電單車，同我比賽嘅唔同，比賽係喺一啲比較崎嶇嘅路上玩耐力賽，唔會有高台，我十幾年前都有玩過花式電單車，但已經好耐冇玩過，𠵱家玩一陣都覺得好攰，對手仲不停咁震。」
得小黑指教
小齊表示雖然受傷後仍有陰影，但他不諱言日後有時間仍然希望可以參加比賽，他還想駕着電單車跨越絲綢之路，他說：「如果可以好似柯受良（小黑）咁，創下紀錄都唔錯，佢生前都有教過我一啲特技，不過我當然冇佢咁叻啦。」
採訪：胡比
攝影：陳俊強
