工廈市道暢旺，大手成交及租務活躍，屯門福田大廈剛錄得大手租務成交，租客係近年人氣指數急升嘅物流公司。 呢間物流公司租用二期低層全層，面積二萬八千五百二十呎，月租十五萬六千，呎租五個半，租期兩年。租值比舊年底四個半一呎，升咗兩成幾。 中原新界工商部助理營業董事張志傑話，屯門吸引唔少物流公司進駐，令該區工廈消化速度加快，特別係逾萬呎嘅盤源，最受歡迎。 唔怪得澳洲麥格里基金，舊年好豪氣咁用四億六千萬，買入福田大廈一同二期啦，𠵱家應該賺唔少。