甄子丹演出的葉偉信作品《殺破狼》叫好叫座，他的矯健身手得到不少片商垂青，就連內地纖體公司亦睇中他的腹肌邀任廣告代言人，穩袋百萬元酬勞。
最近甄子丹忙於為新片《龍虎門》做後期工作，據悉導演看試片後，覺得他演出的動作場面比飾演王小虎的謝霆鋒出色，所以將影片主線轉移到甄子丹飾演的王小龍身上，催谷影片賣埠。
甄子丹近日為內地一間纖體公司擔任代言人，酬金逾百萬元，除了做代言人，他還拍攝一輯寫真，為了效果好，甄子丹說：「我好注意飲食，因為食物對體重有好大影響，我都諗唔到會有纖體公司搵我做廣告代言人，酬勞重幾可觀㖭。」
籌拍警匪片
葉偉信與甄子丹合作的電影《殺破狼》票房理想，東方電影公司力邀他倆再拍該類電影，甄子丹說：「上次《殺》片外界反應咁好，加上李連杰嘅《霍元甲》收得，證明以真功夫作賣點嘅電影係觀眾喜歡嘅，所以我同葉偉信會堅持喺下一部合作嘅警匪片，唔用特技，要以真功夫贏觀眾嘅心。」
問甄子丹會找誰與他對打？他說：「仲未定，可能搵一班新人都唔定，其實大部份打星都同我拍過，要搵觀眾有新鮮感嘅對手，我覺得搵一批身手好嘅新人，可能會更有火花，呢批新人我會喺世界各地搵。」
採訪：陳月媚
