馬浚偉（左）前晚再幫博愛籌款，今次唔使驚再傳跳舞時鹹豬手，因為大會安排佢同名伶唱首《香夭》。鹹豬手版本愈傳愈激，馬仔覺得內容講到似鹹書咁，唔敢畀姨甥女睇。講番有報道話女強人將佢「拗直」，馬仔同馮仁昭講攣、直冇所謂，不過狗仔隊不停騷擾佢啲女性朋友就唔啱，至於感情事就點唔肯講。