李彩華在新片《打雀英雄傳》飾演麻雀館的媽媽生，以風騷裝扮吸引賭客。她表示不介意演繹這類角色，因為可以挑戰演技，更對聯誼會的新款自動洗牌機充滿興趣，有意買一部孝敬媽咪。
李彩華、陳小春、元華和錢嘉樂等，最近合作拍攝新片《打雀英雄傳》，飾演表兄弟的小春和錢嘉樂因財失義，大打出手。而小春為討好在麻雀館工作的李彩華，不惜向麻雀館老闆拜師學藝，乘機親近女方。
被當搖錢樹
小春在戲中扮演一名很有賭運的人，被表哥錢嘉樂發現天賦異稟後，即利用他做搖錢樹，其後小春忍受不了，表兄弟決裂。小春一次參與賭局，得罪了對手彭敬慈，他一直妒忌小春的賭運，為了打擊他，遂安排打手對付小春，可是卻點錯相，誤中副車錢嘉樂，將他打至重傷入院。當日小春和錢嘉樂在大牌檔拍攝，小春還一時興起，拿起鑊鏟扮大廚。
李彩華則在元華經營的麻雀館工作，她日前在電話中說：「我個角色係幫元華嘅麻雀館拉客，好似媽媽生咁，我覺得演呢啲角色好有挑戰性，唔使好姣，但行為舉止要扮到好風騷咁。」
洗牌機有趣
對於要在聯誼會拍戲，李彩華感到非常新鮮，她說：「好得意，聯誼會𠵱家有自動洗牌機，一㩒掣就可以洗牌，方便又慳時間。」問到李彩華可想買一部自動洗牌機孝敬母親，她說：「都好喎，雖然媽咪都唔係成日打牌，但我得閒拎嚟玩吓都幾得意。」
採訪：比華利
