陳浩民和鍾嘉欣等昨日宣傳新劇時玩繩網陣，由於陳浩民繫上安全帶後令下身現形，即用手掩護「小浩民」，但他玩繩網時雞手鴨腳，比女演員還水皮。
陳浩民、唐文龍、鍾嘉欣、楊思琦和姚瑩瑩等昨日在西貢宣傳無綫新劇《人生馬戲團》，分成兩組玩繩網陣，由於他們要繫上安全帶，令陳浩民和唐文龍立即變為「戚袋袋」，不時用手遮掩下身重要部位。
「寶貝嚟㗎」
陳浩民打頭陣攀繩網，自言畏高的他比女演員更雞手鴨腳，完成後更第一時間用手遮掩下體。問他是否很害怕，他說：「只係怕戚親，寶貝嚟㗎嘛。」鍾嘉欣得知陳浩民動作緩慢是為了保護寶貝，即笑說：「咪咁搞笑呀？」而陳浩民談到被指帶女友佘詩曼跟好友孫耀威相敍，他說：「唔記得喇，係咪影到我先，影到咪係囉，冇乜好回應。大佬！想講乜先。」
問鍾嘉欣若新劇收視好，會否以三點式示人？她說：「我寧願請食飯喇。」問她是否擔心別人拿她的身材跟楊思琦相比，她說：「唔會，我哋係好朋友，佢身材梗係好喇，但內在美重靚。」相反思琦則說：「嘉欣着我就着。」
採訪、攝影：王崇穎
