兩位在生嘅前港督，目前都做晒校監，肥彭就係牛津大學校監，衞奕信就係阿伯丁大學校監（UniversityofAberdeen）。肥彭嚟香港就講唔少政治民主，衞督就低調好多，八方點問佢都唔肯評論香港政治，因為佢有佢嘅原則。最後衞督淨係肯講吓環保，真係無辦法。
衞督話，𠵱家香港啲空氣真係比佢做港督時衰，但呢啲都冇辦法，因為部份污染物喺外地吹嚟，香港都好難搞得到，但郊外啲空氣都算清新，而且冇乜城市好似香港咁，行兩步就去到郊外，所以都算係咁啦。八方記得衞督好鍾意行山，當年佢仲一力主催闢設衞奕信徑。
至於點睇香港，衞督話，返嚟香港好開心，因為香港人一樣咁有活力，市民生活又開心咗，主要都係因為經濟復蘇。
傳真︰2623-9278
電郵︰[email protected]