身為保護海港協會主席，大家唔會質疑徐嘉慎有幾咁愛維港。為咗畀市民多啲地方昅實維港，協會一直力撐成塊添馬艦用地都要做休閒公園，唔好做政府總部。點知民主黨上個禮拜無情情開出條件，話如果添馬艦縮細政府總部用地，分啲地出嚟做公園，又整低大廈高度，咁就可以接受，擺明為政府開綠燈。
徐主席對此都好勞氣，一嚟覺得民主黨唔應該攞住添馬鑑同政府講數，二嚟覺得民主黨唔應該好似政府咁，喺呢個問題上立場一變再變，好似細路仔玩泥沙咁兒戲，民主黨嘅建議等於話我唔會斬你對腳，但會斬你一隻腳囉。
八方真係唔係太理解個比喻，但都感到徐主席滿腔怒火。
雖然政府執意喺六月向財委會為添馬鑑攞撥款，但徐主席會盡最後努力，再搵大學啲研究同諮詢，希望可以扭轉敗局。
傳真︰2623-9278
電郵︰[email protected]