教埋呢幾個禮拜書，中大嘅關信基教授將會榮休，瞓身入政黨爭民主。關教授喺中大政政系桃李滿門，幾個關門弟子，就特登喺四月二十二日，請關教授講佢嘅「最後一課」，畀中大政政系嘅學生同校友聽，真係好有心。
今次牽頭嘅關門弟子包括，學者蔡子強、馬嶽、潘潔同星島嘅盧永雄等人。
八方都想聽關教授最後一次講書，可惜因地方有限，個活動淨係畀政政系校友參加，外人就冇辦法報名喇，得個恨字啦！
「最後一課」呢個題目都幾傷感，八方記得中學讀書時，喺教科書都讀過同名嘅文章，就係講普法戰爭中，法國被普魯士打敗，結果要割地求和，住喺割地度嘅法學小學生，就用法文上佢哋「最後一課」，因為第二日就要講德文。
不過八方聽聞，中大唔捨得關教授，仲打算等佢退休後，繼續掛單喺中大教書，如果關教授無問題，咁大家日後都仲有機會聽佢講書。
傳真︰2623-9278
電郵︰[email protected]