身為adidas世界盃系列首位亞洲區代言人的波牛梁漢文（Edmond），昨日偕森美在銅鑼灣出席「adidasEdmond+10vsSammy+10」記者會，呼籲巿民加入球隊，二人將會於下月三十日分別率領球員比賽，屆時還會選出MVP球員，得獎者可到德國看世界盃決賽。
昨天他們和一班老友如吳國敬、李燦琛、張達明及一些香港足球員如李健和等人分別顯示踢足球實力，吳國敬和森美鬥頂頭槌，側田和李燦琛則鬥腿功。
女仔踢波腿變粗
活動上，張達明表示以右腳換Edmond的左腳，Edmond說：「我先冇咁易畀佢換到隻腳，而且佢都冇份參加球賽點換喎！」森美則呼籲女士盡量不要參與，他笑謂：「唔係歧視，而係女仔踢波對腳會愈踢愈粗，而且怕Edmond忍唔住粗暴對人。」
採訪、攝影：王連連