方曼生前助手楊桂材昨供稱，他受託為方清潔油麻地華德大廈涉案單位，卻發現彭楚盈骸骨，其後更在警署遭脫光衣服扣查。楊曾經營停車場和建造丁屋生意，他披露離開方曼生的律師樓後，亦為方處理地產事務，「例如唔好俾人霸住啲地。」
楊桂材指，他離開方曼生的律師樓後，仍然為方工作。九九年十月前，方表示找不到人幫手清潔事發單位，要求幫忙，死因聆訊主任隨即問他：「咁方曼生有冇叫你做過類似嘅工作？」楊考慮一會後答說：「唔記得喎，好耐之前啦！」
方指示「快啲報警」
他憶述當日進入油麻地案發單位情況，「我喺廁所出嚟，行咗一步入去間房裝吓，再望向地下，就見到骸骨，嘩！」後來堂細佬還問「會唔會係標本嚟㗎？」
楊又指發現骸骨後曾致電方曼生，方指示他要「快啲報警」，死因聆訊主任問楊：「佢有冇講副骨可能係Anne（彭楚盈）嘅？」楊表示沒有，但曾問方「你連有副骨都見唔到？」方生話睇唔到。
楊被質問為甚麼沒有追問骸骨屬誰時，楊說：「我都冇時間問，我報咗警之後，啲警察好快嚟，非常好效率！」，楊再被問：「方生有冇叫你唔好理副骨係邊個？有冇講過喺你入屋之後會見到副骨？」楊表示沒有，並說：「我去完警署有問過方生副骨係邊個嘅，但我唔記得佢點答我。」
本報記者