第十一屆香港電影金紫荊獎頒獎禮將於七月舉行，昨日預先公布部份得獎名單，同時舉辦網上投票活動。在發布會上，杜汶澤炮轟某些電影製作，暗寸陳凱歌的《無極》刻意選用多名不同國家的演員，為開拓不同巿場，他指是不智行徑，他說：「只要好就有人睇，有七個國家演員都冇用。」
往年於三月舉行的香港電影金紫荊獎頒獎禮，今年安排於七月上旬舉行。劉德華、杜汶澤、彭浩翔、香港影評人協會會長何緯豐及金紫荊主席蔡繼光等，昨日到九龍塘出席「華人電影新方向」研討會，並公布今屆金紫荊獎十大華語及外語片結果，當中包括多部港產大製作入選十大華語片，如《黑社會》、《頭文字D》、《如果．愛》等（詳見附表）。
新增網上投票
十大外語片因為出現相同票數，共有十一部電影入選。同時，今屆金紫荊增設網上投票，推選出十大最受歡迎華語及外語影片，由三月一日起，截至昨日為止，已經收到七萬五千多票，劉德華主演的《童夢奇緣》暫時以一萬三千多票，在華語片網上投票中領先。
杜汶澤批評有電影工作者，特意找不同國籍的演員來開拓巿場，是不智行為，似乎是在暗寸陳凱歌《無極》及陳可辛《如果．愛》等大製作，他說：「為攞幾個巿場，搵幾個唔同國家嘅演員嚟迎合，呢啲係幾不智嘅，搞呢啲戲係唔會賣得，事實同結果可以話畀大家聽。」
杜汶澤事後解釋他並非針對某些電影，他說：「賣得固然係好，但係呢啲想法嘅人，點解要放棄香港呢，只要好睇就有人睇，有七個國家演員都冇用。」問到杜汶澤是否指《如果．愛》及《無極》，他表示未看過《如果．愛》，但談到《無極》他便轉身離去。
欠缺大膽老細
杜汶澤又指香港電影巿場缺乏有膽識的投資者，他說：「大膽嘅人做大生意，細膽嘅人做細生意，好似《無間道》最終夠膽開拍嘅（林建岳）就賺大錢。」
不過身兼老闆的劉德華，不認同杜汶澤的講法，他說：「老闆身邊嘅人要巿場有觸覺同清晰，有危險要話畀老闆聽，老闆唔需要識。」
採訪、攝影：張俊銘
