全國政協大會前日剛在北京閉幕，但就傳來前港區政協委員邵友保逝世消息。佢出任非執行董事嘅萬順昌噚日發出通告，話邵博士本周日辭世，享年八十五歲。
邵博士早於二次大戰打得最激烈嘅年代在日本讀書，1943年畢業於日本國立神戶大學，取得經濟學碩士。在香港嘅外資銀行工作50多年，近年仍出任東京銀行香港總行副總經理。佢為人所熟識，係回歸前出任多個中方委任的職位，包括基本法諮委會、新機場工程諮詢委員會委員、港事顧問、預委會及籌委會。
另外有消息指，政制事務局副秘書長曹萬泰，將會去北京做駐京辦主任，填番寶榮嘅空缺，但個位就降咗做D6。佢老兄識騎馬，最近又成日上京傾馬術，做呢個位啱晒，因駐京辦嚟緊，實有好多同北京奧運有關嘅嘢要煩，加上北京附近都幾多馬場，方便佢落場跑馬！
爆料熱線：29290000、27860099
報料傳真：26239278
報料電郵：[email protected]