地產代理業人手流失率高,個市一旺,要擴充嘅時候,啲管理層就頭都大埋,大專院校近年就成為佢哋吸納新血嘅來源。 香港置業禮拜一去咗嶺南大學搞招聘講座,由新界西區域營業董事余永泰分享多年嘅工作經驗,有八十幾個學生出席,三十人仲即場報名㖭。啲一二年班大學生,對暑期實習計劃最感興趣,唔知係咪想趁暑假搵吓快錢呢?