香港財經名嘴，報喜者多，報憂者少，原來全世界嘅同行都係咁上下，佢哋對啲公司都好客氣。更有調查發現，財經分析員對亞太區企業嘅行政總裁特別關照，即使連續四季業績向下，都唔會有太多分析員要求撤換行政總裁。
偉達公眾關係顧問於去年9月至11月期間，訪問咗全球282名財經分析員，當中香港區有17名。結果顯示只有41%受訪者認為亞太區企業若持續四季業績下跌，就要換行政總裁。這個要求相對於歐洲好寬容，事關歐洲的百分比高達54至56%；至於北美，仲大方，得39%人話要換人。偉達董事總經理麥桂儀解釋，由於亞太區曾發生亞洲金融風暴、沙士、禽流感等突發事件，因此較獲得分析員嘅諒解。
調查又顯示，受訪者認為評估一家公司的投資價值時，公司嘅財務表現係最重要考慮因素，其次係領導層質素（見表）。